جکارتہ، 26 اگست (سیاست ڈاٹ کام ) ایشیائی کھیلوں میں پہلی بار حصہ لے رہی سرجوبالا دیوی نے شاندار کارکردگی کا مظاہرہ کرتے ہوئے اتوار کو 18 ویں ایشیائی کھیلوں کی باکسنگ مقابلہ 51 کلوگرام فلائی ویٹ زمرے کے کوارٹر فائنل میں داخلہ حاصل کر لیا لیکن منوج کمار کو 69 کلوگرام ویلٹر ویٹ کلاس میں شکست کا سامنا کرنا پڑا۔سنہرے بالوں کے ساتھ الگ ہی انداز میں نظر آ رہیں 25 سال کی سرجوبالا نے پری کوارٹر فائنل میں تاجکستان کی مدینہ غفوروا کو 5-0 سے شکست دی۔ سرجوبالا نے تینوں ججوں کے متفقہ فیصلے سے یہ مقابلہ 30-27 30-27 30-27 کے اسکور سے جیتا۔ سرجوبالا کا کوارٹر فائنل میں چین کی یوآن چانگ سے 29 اگست کو مقابلہ ہوگا۔
