دبئی ، 11 مئی (سیاست ڈاٹ کام) آئی سی سی کی سالانہ ٹسٹ رینکنگ کے بعد پاکستان تیسرے سے چھٹے نمبر پر چلاگیا ہے جبکہ جنوبی افریقہ کی پہلی پوزیشن ہے۔ آج یہاں سے جاری آئی سی سی رینکنگ کے بعد پاکستانی ٹیم کی تین درجہ تنزلی ہوگئی ہے ، اس سے قبل پاکستان کی ٹیم تیسری پوزیشن پر موجود تھی۔ پاکستانی ٹیم آسٹریلیا اور بنگلہ دیش کیخلاف سیریز جیتنے کے باوجود چھٹے نمبر پر چلی گئی ہے۔ ہندوستانی ٹیم کی 4 درجے ترقی ہوئی ، اور وہ اب ٹیم انڈیا ساتویں سے چوتھے نمبر پر آگئی ہے۔ آئی سی سی کی سالانہ اَپ ڈیٹ کے بعد رینکنگ میں جنوبی افریقہ پہلے، آسٹریلیا دوسرے، نیوزی لینڈ تیسرے، ہندوستان چوتھے اور انگلینڈ پانچویں نمبر پر موجود ہیں۔
