صنعا ، 13 جون (سیاست ڈاٹ کام) یمنی سکیورٹی عہدیداروں کا کہنا ہے کہ چھ عام شہری یمن کے دارالحکومت صنعا میں سعودیہ زیرقیادت اتحاد کے فضائی حملوں میں ہلاک ہوگئے، جن میں سابق صدر علی عبداللہ صالح کے رشتے داروں کے مکانات نشانہ بنائے گئے۔ عہدیداروں کو میڈیا سے بات کرنے کا اختیار نہیں، اس لئے انھوں نے شناخت مخفی رکھنے کی شرط پر بتایا کہ درجنوں شہری ہفتہ کے فضائی حملوں میں زخمی ہوئے۔ یہ حملے صالح کے برادران علی صالح الاحمر، محمد صالح الاحمر، اور ان کے بھانجہ یحییٰ محمد عبداللہ کے مکانوں کے قریب کئے گئے۔ فوری طور پر یہ واضح نہ ہوا کہ آیا صالح کے ارکان خاندان اس وقت موجود تھے۔ صالح کی وفادار ملٹری یونٹوں نے خود کو حوثی باغیوں کے ساتھ شامل کرلیا ہے جو دارالحکومت اور ملک کے بڑے حصوں پر قابض ہیں۔
