شمس آباد۔/18 جنوری، ( سیاست نیوز) سائبر آباد بم اسکواڈ کی عمدہ نگر ( شمس آباد ) ریلوے اسٹیشن میں اچانک تلاشی مہم سے مسافرین میں سنسنی پھیل گئی۔ تفصیلات کے بموجب سائبرآباد بم اسکواڈ آر ایس آئی کی قیادت میں بم اسکواڈ نے شمس آباد آر جی آئی پولیس کے ہمراہ شمس آباد عمدہ نگر ریلوے اسٹیشن میں تلاشی لی۔ ریلوے اسٹیشن میں ایک نامعلوم بیاگ پایا گیا
جس کی تفصیلی جانچ کرنے پر اس میں صرف کپڑے برآمد ہوئے۔ ریلوے اسٹیشن میں اچانک بم اسکواڈ کو تلاشی لیتے ہوئے دیکھ کر مسافرین میں کچھ دیر کیلئے خوف پیدا ہوگیا تھا۔ اس موقع پر اے آر ایس آئی کرشنا ، اے ایس آئی ہری کے علاوہ پولیس اسٹاف موجود تھا۔