شاد نگر۔/26جولائی، ( سیاست ڈسٹرکٹ نیوز) تلنگانہ راشٹریہ سمیتی پارٹی رکن اسمبلی شاد نگر وائی انجیا یادو کی جانب سے ایڈن گارڈن فنکشن ہال حاجی پلی روڈ شاد نگر میں افطار پارٹی کا اہتمام کیا گیا۔ افطار پارٹی تقریب میں بلالحاظ مذہب و ملت مختلف سیاسی پارٹیوں سے وابستہ قائدین نے بڑی تعداد میں شرکت کی۔ اس موقع پر ویرلہ پلی شنکر، سید ابراہیم، شاد نگر بلدیہ چیرمین اگنور وشوم، شاد نگر ڈی ایس پی دورنا چارلو، سرکل انسپکٹر ٹاؤن شاد نگر شریمتی نرملا، رورل سرکل انسپکٹر گنگادھر، محمد علی خان بابر، شاد نگر میونسپل کمشنر ویمنا ریڈی، عبدالرب، محمد عبدالرؤف، محمد ذاکر الدین، شیخ سلیم، مہیپال ریڈی، ایم ایس نٹراج کے علاوہ مقامی سیاسی قائدین نے شرکت کی۔
