لاس ویگاس۔9 اکٹوبر (سیاست ڈاٹ کام ) عصمت ریزی مقدمہ کے بعد مزید 3 خواتین نے پرتگالی فٹبالر کرسٹیانو رونالڈو پر الزامات عائد کردیے۔ ایک امریکی خاتون نے کہا ہے کہ پارٹی کے بعد رونالڈو نے ان کی عصمت ریزی کی تھی۔ دوسری خاتون نے کہا کہ فٹبالر نے انھیں صدمہ پہنچایا جبکہ تیسری نے کہا کہ انھوں نے بھی رونالڈو سے 2009 میں معاہدہ کیا تھا۔ اس بات کا انکشاف فٹبالر پر عصمت ریزی کا الزام عائد کرنے والی امریکی ماڈل کیتھرین کے وکیل لزلی اسٹو وال نے کیا، انہوں نے مزید کہا کہ وہ اس بارے میں پولیس کو معلومات فراہم کرنے والے ہیں۔
