حیدرآباد ، 19 مارچ (ای میل ) رحیم لیگ فٹبال کے مقابلوں میں آج اسٹیٹ بینک آف حیدرآباد (ایس بی ایچ) نے بی ڈی ایل کو 3-0 سے شکست دے دی۔ جمخانہ گراؤنڈز پر منعقدہ میچ میں محمد خضر، علی خان اور شہاب الدین نے گول اسکور کئے۔ جی پی پالگنا آنرری سکریٹری ٹی ایس اے کی اطلاع کے بموجب دن کے دیگر مقابلہ میں حیدرآباد اسپورٹنگ نے اسٹیٹ بینک آف انڈیا (ایس بی آئی) کو 6-1 سے بری طرح ہرایا۔ اسپورٹنگ ٹیم پوری طرح چھائی رہی۔ فاتح ٹیم کی طرف سے طلحہ اور زبیر نے دو، دو اور عارف اور عمر نے ایک، ایک گول بنایا۔ ایس بی آئی کیلئے واحد گول آنند نے اسکور کیا۔
