نئی دہلی 28 مئی (سیاست ڈاٹ کام) نئے مرکزی وزیرداخلہ راج ناتھ سنگھ نے چہارشنبہ کے دن اعلیٰ سطحی آر ایس ایس قائدین سے ملاقات کی۔ اطلاعات کے بموجب اُنھوں نے آر ایس ایس کے سرسنچالک موہن بھاگوت اور قائد سریش سونی سے ملاقات کرکے بی جے پی کے آئندہ صدر کے بارے میں تبادلہ خیال کیا۔ بی جے پی اور آر ایس ایس کو پارٹی کے نئے صدر کے انتخاب کا اہم مسئلہ درپیش ہے۔ خاص طور پر اِس لئے کہ راج ناتھ سنگھ کا دور صدارت انتہائی اہم تبدیلیوںکا دور رہا ہے۔ مودی کو بی جے پی کے وزارت عظمیٰ امیدوار مقرر کرنے کے لئے پارٹی میں دیگر قائدین کو بھی سمجھانا پڑا تھا۔
