پونچھ(جموں)۔31 اکٹوبر (سیاست ڈاٹ کام) ایک فوجی ہلاک اور دیگر دو خواتین زخمی ہوگئیں جبکہ پاکستانی فوجیوں نے ہندوستانی چوکیوں اور دیہاتوں کو ہلکے ہتھیاروں اور مارکٹر شلس کی فائرنگ کا خطہ قبضہ کے پاس دنوں اضلاع پونچھ اور راجوری میں ، نشانہ بنایا۔ راجوری سیکٹر میں جنگ بندی کی خلاف ورزی کا زبردست جارحانہ فائرنگ کے ذریعہ جواب دیا گیا۔ فوج کی شمالی کمانڈ کے ترجمان نے کہا کہ ایک فوجی شہید اور دیگر دو خواتین زخمی ہوگئیں جن میں سے ایک کی حالت نازک ہے۔سینئر سپرنٹنڈنٹ پولیس پونچھ جے ایس جوہر نے کہا کہ زخمیو ںکو سرکاری میڈیکل کالج و ہاسپٹل جموں منتقل کردیا گیا۔ پاکستانی فوجیوں نے آج صبح ہندوستانی چوکیوں اور دیہاتوں پر فائرنگ کی تھی۔ 9 بجے دن سے بالا کوٹ سیکٹر میں 120mm اور 82mm مارٹر، خودکار اور چھوٹے ہتھیاروں کے ذریعہ فائرنگ کی گئی۔ انہوں نے کہا کہ فوجی فائرنگ کا مناسب اور منہ توڑ جواب دے رہے ہیں۔ پونچھ کے مندھار سیکٹر میں خط قبضہ کے پاس شہری علاقوں اور راول چوکیوں پر شل باری کی گئی۔ ضلع راجوری کے کئی علاقوں میں بھی آج دوپہر جنگ بندی کی خلاف ورزی کی گئی۔ منکوٹ اور بالاکوٹ علاقوں میں بھی خلاف ورزی ہوئی۔ بین الاقوامی سرحد پر کل 9 بجے شب سے تعطل برقار ہے جہاں قبل ازیں پاکستانی رینجرس نے جنگ بندی کی خلاف ورزیاں کی تھیں۔
