شمس آباد ۔ 15 ۔ جون : ( سیاست نیوز): راجیو گاندھی انٹرنیشنل ایرپورٹ شمس آباد کسٹمس عہدیداروں نے دو مسافرین کو گرفتار کر کے ان کے قبضہ سے 1.4 کیلو سونا ضبط کرلیا ۔ تفصیلات کے بموجب آج صبح سنگاپور سے ایک فلائیٹ راجیو گاندھی انٹرنیشنل ایرپورٹ شمس آباد پہنچی جہاں کسٹمس عہدیداروں کی چیکنگ میں دو مسافرین کے پاس سے 1.4 کیلو سونے کے بسکٹس برآمد ہوئے ۔ کسٹمس عہدیداروں نے دونوں مسافرین کے قبضہ سے سونے کو ضبط کر کے انہیں گرفتار کرلیا اور ان کے خلاف مقدمہ درج کرتے ہوئے تحقیقات کا آغاز کردیا ہے ۔۔
