مصر ۔ /28 جون (سیاست ڈاٹ کام) مصر کے شہر المنصورہ میں ایک نئی نویلی دلہن سماء النہاس رخصتی کے دو گھنٹے بعد ہی انتقال کرگئی ۔ یہ واقعہ المنصورہ شہر میں پیش آیا ۔ جہاں اس دلہن کے شوہر کا کہنا ہے کہ شادی کے دوران ہمیں دلہن کمزوری کا شکار لگ رہی تھی کیوں کہ وہ نہ صحیح سے بیٹھ پارہی تھی نہ ہی وہ کچھ کھاپی رہی تھی یہی ہوا کہ شادی کے کچھ دیر بعد ہی اُس نے سینے میں درد کی شکایت کی جس کے بعد وہ زمین پر گرگئی ۔ اسے فوری قریبی اسپتال لے جایا گیا جہاں ڈاکٹروں نے کچھ دیر بعد ہی موت کی تصدیق کردی اور وجہ دل کا دورہ بتائی ۔ پولیس کا کہنا ہے کہ دل کے دورے کے باوجود مقتولہ کے انتقال سے متعلق مزید تحقیقات کے لئے رپورٹ کا انتظار ہے ۔
