دوبئی ۔22 جون ۔(سیاست ڈاٹ کام) ایک 26 سالہ ہندوستانی شخص کو خواتین کیلئے مختص بیت الخلاء میں جھانکنے کی پاداش میں تین ماہ کی سزائے قید سنائی گئی ہے ۔ ایک سعودی خاتون نے جو مترجمہ ہے ، نے شکایت کی کہ جس وقت وہ حوائج ضروریہ سے فارغ ہورہی تھی تو اُس نے دیکھا کہ بیت الخلاء کی پچھلی دیوار کے اوپر سے ایک ورکر جھانک رہا ہے ۔ دی خلیج ٹائمز نے یہ رپورٹ دی کہ ہندوستانی شخص نے عدالت کے سامنے استدلال پیش کیا کہ وہ بیت الخلاء کی دیواریں اور روشن دان صاف کرنے کیلئے آیا تھا ۔
