داعش نے شمالی عراق میں مزید دو شہروں پر قبضہ کر لیا
بغداد ۔ 4 اگست (سیاست ڈاٹ کام) کل اتوار کو انتہا پسند تنظیم ’دولتِ اسلامیہ عراق و شام‘ (داعش) کے عسکریت پسندوں نے شمالی عراق میں مزید دو شہروں پر قبضہ کر لیا۔ اس طرح عراقی حکام اور شہریوں کے مطابق یہ تنظیم اپنے زیر انتظام علاقے کا دائرہ مزید پھیلانے میں کامیاب ہو گئی ہے۔ اقوام متحدہ کا کہنا ہے کہ اِن سنی انتہا پسندوں کی جانب سے خود مختار کرد علاقے کی جانب واقع دو شہروں زمار اور سنجار پر قبضے کے بعد وہاں کے کوئی 2 لاکھ شہری گھر بار چھوڑنے اور راہِ فرار اختیار کرنے پر مجبور ہو گئے ہیں۔ اس موقع پر سخت لڑائی ہوئی ہے اور عسکریت پسندوں کی طرف سے شیعہ مراکز اور مقبروں کو زمیں بوس کرنے کے واقعات بھی سامنے آئے ہیں۔
