بیروت۔ 28 اگست (سیاست ڈاٹ کام) داعش نے شام کے شمالی علاقہ میں طبقہ ملٹری ایرپورٹ سے فرار ہونے والے بے شمار شامی سپاہیوں کا سَر قلم کردیا۔ ایک نگران کار نے یہ بات بتائی جبکہ ٹوئٹر پر جہادیوں نے 200 شامی سپاہیوں کو ہلاک کرنے کا اعلان کیا ہے۔ انسانی حقوق کے نگران کار ادارہ کے سربراہ رمی عبدالرحمن نے بتایا کہ کئی شامی فوجی فرار ہورہے تھے جنہیں جہادیوں نے پکڑ لیا اور رات کے اوقات میں ان تمام کے سَر قلم کردیئے گئے۔ داعش نے سرکاری وفادار فوج کے ساتھ کئی ہفتوں کی لڑائی کے بعد اتوار کو ایرپورٹ پر قبضہ کرلیا تھا۔ اس کے ساتھ ہی رقہ صوبہ پر ان کا کنٹرول حاصل ہوگیا ہے جو جہادیوں کے معلنہ ’’نظام خلافت ‘‘کا دارالحکومت ہے۔
