حیدرآباد ۔ 18 ۔ اپریل : ( سیاست نیوز) : شہر کے ویسٹ زون علاقہ میں پولیس کی سخت چوکسی اور تلاشی مہم کے باوجود بھی سرقہ کی وارداتوں کا سلسلہ جاری ہے ۔ آصف نگر ڈیویژن میں آج رہزنی کی تین وارداتیں پیش آئی ۔ آصف نگر پولیس حدود میں دو مقامات پر راہ چلتی خواتین کے گلے سے طلائی زنجیریں اڑالی گئیں ۔ جب کہ ٹپہ چبوترہ میں ایک اور کلثوم پورہ حدود میں ایک مقام پر رہزنی کی سنگین واردات پیش آئی ۔ بتایا جاتا ہے کہ ان وارداتوں میں تقریبا 6 تولہ طلائی زیورات کا سرقہ ہوا ۔ پولیس مصروف تحقیقات ہے ۔۔
