حیدرآباد /15 اپریل ( سیاست نیوز ) جیڈی میٹلہ اور کیسرا کے علاقہ میں دو افراد نے خرابی صحت سے تنگ آکر خودکشی کرلی ۔ جیڈی میٹلہ پولیس کے مطابق 35 سالہ سنتوش جو پیشہ سے لیبر تھا ۔ ایودھیہ نگر جیڈی میٹلہ علاقہ کا ساکن اس نے خرابی صحت سے تنگ آکر کل رات خودکشی کرلی ۔ کیسرا پولیس کے مطابق 45 سالہ رام بابو جو پیشہ سے مزدور تھا وینکٹ ریڈی نگر کالونی کیسرا میں رہتا تھا ۔ گذشتہ چند روز سے یہ شخص خرابی صحت کے سبب کافی پریشان تھا ۔ جس نے انتہائی اقدام کرتے ہوئے آج صبح پھانسی لیکر خودکشی کرلی ۔
