قاہرہ ، 11 جون (سیاست ڈاٹ کام) ایک مصری عدالت نے ملک پر کئی دہائیوں تک حکومت کرنے والے سابق صدر حسنی مبارک کے خلاف تحریک چلانے والے کارکن علاء عبدالفتاح کو 15 برس قید کی سزا سنا دی ہے۔ اُن کے وکیل کے مطابق یہ سزا انھیں احتجاج کے حوالے سے ملکی قانون کی خلاف ورزی اور دیگر الزامات پر سنائی گئی ہے۔ عبدالفتاح 2011ء میں حسنی مبارک کے خلاف تحریک کے نمایاں ترین کارکن تھے۔ یہ فیصلہ سابق فوجی سربراہ عبدالفتاح السیسی کے عہدہ صدارت سنبھالنے کے تین روز بعد سنائی گئی ہے۔
