لندن ۔29 ڈسمبر (سیاست ڈاٹ کام )2018 کا سال ٹینس میں ہنگامہ خیز رہا، سربیا کے نواک جوکووچ نے دو گرانڈ سلام خطابات حاصل کرتے ہوئے نہ صرف کامیاب واپسی کی بلکہ دوبارہ نمبر ایک مقام بھی حاصل کرلیا۔ خواتین میں جاپان کی ناؤمی اوساکا پہلی مرتبہ یوایس اوپن کی چیمپئن بنیں۔ رومانیہ کی سیمونا ہالپ عالمی درجہ بندی میں نمبر ون رہیں۔ 2018 میں عالمی ٹینس پر بڑے کھلاڑی چھائے رہے۔ 2018 میں نوواک جوکووچ مردوں کی عالمی درجہ بندی میں سرفہرست رہے جبکہ سیمونا ہالپ خواتین زمرے میں سرفہرست رہیں۔ آسٹریلیا اوپن کا خطاب سوئٹزر لینڈ کے راجر فیڈرر نے جیتا۔ خواتین میں ڈنمارک کی کیرولین وزنائیکی نے رومانیہ کی سیمونا ہالپ کو شکست دی۔ فرنچ اوپن میں اسپین کے رافیل نڈال نے میدان مارا۔ فائنل میں آسٹریلیا کے ڈومنیک تھیم ناکام ہوئے۔ رومانیہ کی سیمونا ہالپ نے ویمنس کی ٹرافی اپنے نام کی۔ ومبلڈن ٹینس میں سربیا کے نواک جوکووچ نے جنوبی افریقہ کے کیون اینڈرسن کو شکست دے کر خطاب پر قبضہ جمایا۔ ویمنس میں جرمنی کی انجلک کربر نے امریکی حریف سرینا ولیمز کو ناکامی سے دوچار کیا۔ یوایس اوپن میں بھی فتح نے نواک جوکووچ کو نمبر ایک مقام کی راہ ہموار کی۔ عالمی نمبر ون ٹینس اسٹار نے فائنل میں ارجنٹیناکے مارٹن ڈیل پوٹرو کو شکست دی۔ خواتین میں جاپان کی ناؤمی اوسا نے تاریخ رقم کی۔ جاپانی ٹینس اسٹار سرینا ولیمز کو مات دے کر پہلی بار گرانڈ سلام ٹرافی کی حق دار بنیں۔
