واشنگٹن، 13 مارچ (سیاست ڈاٹ کام)جرمنی کے فلپ کولشیبر نے آسٹریلین اوپن چیمپئن اور عالمی نمبر ایک کھلاڑی سربیا کے نوواک جوکووچ کو تیسرے راؤنڈ میں حیرت زدہ کرتے ہوئے مسلسل سیٹوں میں چھ۔ چار، چھ۔چار سے شکست دے کر اے ٹی پی انڈین ویلز ٹینس ٹورنامنٹ سے باہر کر دیا ہے ۔میلبورن میں اس سال کا پہلا گرینڈ سلیم ساتویں بار جیتنے کے بعد سے جوکووچ کا یہ پہلا اے ٹی پی ٹورنامنٹ تھا لیکن بارش کے بعد دوبارہ شروع ہوئے میچ میں سربیائی کھلاڑی اپنی فارم سے بھٹک گئے اور مسلسل سیٹوں میں میچ گنوابیٹھے ۔15 بار کے گرینڈ سلیم چیمپئن نے اگرچہ اپنے گزشتہ کیریئر کے نو میچوں میں سے کولشیبر کو آٹھ بار شکست دی ہے لیکن اس میچ میں وہ 39 ویں رینکنگ کے تجربہ کار کھلاڑی کے سامنے ناکام ہو گئے جبکہ جرمن کھلاڑی کی ٹاپ سیڈ کھلاڑیوں کے خلاف 11 کوششوں میں یہ پہلی جیت ہے ۔کولشیبر نے کہا، "میرے لئے یہ بہت خاص موقع ہے ۔ چوٹی سیڈ کھلاڑیوں کے خلاف جیتنا ہمیشہ خاص اہمیت رکھتا ہے ۔ اس میچ میں نوواک چوٹی سیڈ تھے اور انہیں ہرانا میرے لئے بڑی جیت ہے ۔ "کولشیربر اور جوکووچ کے درمیان یہ میچ بارش سے متاثر رہا تھا اور ایک گیم کے بعد ہی میچ کو روکناپڑا۔ جرمن کھلاڑی نے اگرچہ دوبارہ شروع ہوئے میچ میں کافی جارحیت دکھائی اور ساتویں گیم میں جوکووچ کی سروس بریک کی اور اوپننگ سیٹ کو سروس ونر کے ساتھ ختم کیا۔ریکارڈ چھٹے انڈین ویلس خطاب کے لئے کھیل رہے سربیا ئی کھلاڑی اس سے مایوس نظر آئے اور ریکیٹ کو اپنے پاؤں پر دے مارا لیکن دوسرے سیٹ کے شروعات میں ہی جرمن کھلاڑی نے پھر ان کی سروس بریک کر دی۔ جوکووچ کا خراب فورہینڈ اور ڈبل فالٹ کولشیبر کیلئے فائدہ مند رہا اور انہوں نے پانچ۔دو کی برتری حاصل کرلی۔اگرچہ جرمن کھلاڑی نے پھر چار غلطیاں کیں ور ڈبل فالٹ سے جوکووچ کو واپسی کا موقع دیا۔ اگرچہ نمبر ایک کھلاڑی نے پھر غلطی کر دی اور کولشیربر نے سیٹ اور میچ جیت لیا۔ اپنے گزشتہ مسلسل تین میچ ہارنے کے بعد انڈین ویلز میں پہنچے کولشیربر کوارٹر فائنل میں جگہ بنانے کے لیے فرانس کے گائل موفلس کے خلاف کھیلیں گے ۔دوسری طرف 33 ماسٹرس 1000 خطاب جیت چکے رافیل نڈال نے اپنی فاتحانہ مہم کو بڑھاتے ہوئے ارجنٹینا کے ڈیاگو شوارٹزمین کو چھ۔تین، چھ۔ایک سے شکست دی اور آخری -16 میں جگہ بنا لی۔نڈال کا اس جیت کے ساتھ دنیا کے 26 ویں نمبر کے کھلاڑی کے خلاف ریکارڈسات۔صفر ہو گیا ہے ۔تین بار یہاں چیمپئن رہ چکے ہسپانوی کھلاڑی اگلے میچ میں سربیا کوالیفائر فلپ کراجنووچ سے کھیلیں گے جنہوں نے 14 ویں سیڈ روس کے دانل مدویدیف کو 6-3، 6-2 سے شکست دی۔
