بیدر۔16جون(سیاست ڈسٹرکٹ نیوز)جناب سید ظہور ہاشمی نوری شریکِ معتمد کے بموجب کاروانِ ادب و مرکزی رحمتِ عالم کمیٹی ضلع بیدر کرناٹک کے زیرِ اہتمام مورخہ17؍جون بروز چہارشنبہ بوقت بعد نمازِ عشاء بمقام مسجدِ عثمانیہ قدوائی روڈ بیدر میں سالانہ جلسہ’’ استقبالِ ماہِ رمضان المبارک و عظمتِ قُرآن‘‘زیرِ صدارت جناب الحاج محمد لئیق الدین ایڈوکیٹ سابق رکن اسمبلی بیدر انعقاد عمل میں آئے گا۔جلسہ کو ممتاز علماء دین مولانا مفتی سید سراج الدین نظامی کامل فقہ بانی ناظم جامعہ روضۃ البنات‘مولانا مفتی محمد خواجہ معین الدین نظامی بانی ناظم مدرسہ معھد انوار اُلقُرآن فیض پورہ اور مولانا مفتی عظیم احمد قادری انواری نظامی کے علاوہ دیگر مقررین مُخاطب کریں گے۔جلسہ کی کارروائی کا آغاز قرا ء تِ کلام ِ پاک سے ہوگا ۔ممتاز نعت خواں حمد و نعت ِ رسولؐ کا نذرانہ پیش کریں گے۔
