حیدرآباد ۔ /11 مئی (سیاست نیوز) میلاردیوپلی علاقہ میں پیش آئے ایک واقعہ میں 50 سالہ مزدور عمارت کی دوسری منزل سے گرنے کے باعث ہلاک ہوگیا ۔ بتایا جاتا ہے کہ جتاوت جمنا نائیک ساکن مدھوبن کالونی راجندر نگر اتفاقی طور پر /8 مئی کو زیرتعمیر عمارت کی دوسری منزل سے نیچے گرپڑا تھا ۔ اس حادثہ میں وہ شدید زخمی ہوگیا تھا اور علاج کیلئے اسے دواخانہ عثمانیہ میں شریک کیا گیا تھا اور آج وہ زخموں سے جانبر نہ ہوسکا اور فوت ہوگیا ۔ میلاردیوپلی پولیس نے اس سلسلے میں ایک مقدمہ درج کرلیا ہے اور نعش کے پوسٹ مارٹم کیلئے دواخانہ عثمانیہ کے مردہ خانہ منتقل کیا ۔
