حیدرآباد۔/18اپریل، ( پریس نوٹ ) جگر گوشہ حضرت خواجہ بندہ نواز ؒ گیسو دراز حضرت سید شاہ اسد اللہ محمد اکبر محمد محمدالحسینی عم سجادہ نشین بارگاہ بندہ نواز نے حکیم صوفی سید ریاض احمد شاہ قادری ثبوتی بغدادی خلیفہ بانی و صدر عالمی موتمر معرفت الہی کی علم تصوف پر پانچویں تصنیف ’ کلید معرفت ‘ یعنی رموز حقیقت کا خانقاہ فرقانیہ بگدل شریف میں رسم اجراء کیا۔ اس موقع پر ڈاکٹر محمد فرقان علی شاہ قادری الچشتی بندہ نوازی، حضرت سید شاہ خواجہ مستان روحی چشتی القادری قلندری مرزائی، محمد سمیع الدین چشتی بندہ نوازی بگدل شریف، محمد عرفان علی شاہ قادری، محمدعمر علی شاہ قادری، محمد ظہیر الدین چشتی، نواز غالب قادری، محمد اسمعیل خان خالدی حیدرآباد، محمد مشتاق احمد بندہ نوازی، محمد شمیم عطاری بگدل شریف، محمد نعیم الدین سوداگر، محمد منان بھائی ٹیلر بگدل شریف کے علاوہ مشائخین، مریدین و معتقدین کی کثیر تعداد شریک تھی۔ ابتداء میں بعد نماز عصر’ خانقاہ فرقانیہ ‘ کا سنگ بنیاد رکھا گیا۔ بعد نماز عشاء جلسہ سیرت اولیاء، بعد محفل سماع کا انعقاد عمل میں آیا۔ ان تقاریب کا اہتمام بگدل شریف میں محمد مسکین علی شاہ معروف ڈاکٹر محد فرقان علی شاہ چشتی قادری سجادہ نشین بارگاہ حضوری شاہ صبوری شاہ قادری ؒ فقر ٹیکری ہمناآباد نے کیا۔ نواز غالب نے نظامت کی۔ اس موقع پر بلا لحاظ مذہب عوام کی کثیر تعداد نے شرکت کی۔ رات دیر گئے تقریب کا اختتام عمل میں آیا۔
