برازیل ۔ 5 مئی ۔(سیاست ڈاٹ کام) برازیل میں فٹ بال میچ کا فائنل جیتنے والی ٹیم کے حامیوں نے اسٹیڈیم کو میدان جنگ میں تبدیل کردیا اور مخالفین پر ڈنڈوں، لاتوں اور گھونسوں کی بارش کردی۔ برازیل کے شہر فورٹالیزا میں سیارا اور میزبان ٹیم فورٹا لیزا کے درمیان فائنل میچ 2-2گول سے برابر ہوگیا اور فورٹالیزا کی ٹیم جیت کی حقدار قرار پائی جو اس سے قبل سیارا کی ٹیم کو 2-1سے شکست دے چکی تھی۔ میچ کے اختتام پر فورٹالیزا کے شائقین جشن منانے گراؤنڈ میں داخل ہوگئے اور دیکھتے ہی دیکھتے انہوں نے مخالف ٹیم پر دھاوا بول دیا۔ دونوں ٹیموں کے درمیان ڈنڈوں ، کرسیوں کا استعمال بھی ہوا۔ مشتعل افراد کو منشر کرنے کیلئے پولیس نے دستی بم پھینکے اور سیکڑوں افراد کو گرفتار کرلیا۔
