لاس ویگاس 4 مئی ( سیاست ڈاٹ کام) دو بار عالمی چیمپئن رہنے والے پاکستانی نژاد برطانوی باکسر عامر خان نے ویلٹر ویٹ میچ میں لاس ویگاس میںلوئی کولاز کو واضح انداز میں شکست دے دی۔ اس طرح عامر خان نے کولاز کے خلاف فتح کے ساتھ اپنے ویلٹر ویٹ کریئر کا آغاز کیا ہے۔ اس سے قبل انہوں نے لائٹ ویلٹر ویٹ ( کم وزن والے(درجہ میں عالمی خطاب حاصل کیا تھا ۔ ویلٹر ویٹ درمیانے وزن سے کم ہوتا ہے اور اولمپکس نے اس درجے کو 64 کلو گرام سے 69 کلو گرام وزن کے درجے میں رکھا ہے۔ عامر خان اس درجے کے مایہ ناز باکسر فلوئڈ مے ویدر کے مد مقابل ہونے کی خواہش رکھتے تھے لیکن امریکی باکسر مے ویدر نے ان کے بجائے ارجنٹائن کے باکسر مارکوز میدانا سے مقابلے کو ترجیح دی۔ تاہم 27 سالہ عامر خان کا کہنا ہے کہ وہ اس مقابلے سے مے ویدر کو لالچ دینے کی کوشش کریں گے۔ بہر حال مبصرین کا خیال ہے کہ ابھی عامر کو مے ویدر کے مد مقابل آنے سے قبل مزید کچھ میچز کھیلنے چاہئے۔
عامر خان نے اپنے حریف امریکی باکسر لوئی کولازو کو واصح انداز میں شکست سے دوچار کیا۔ عامر خان کو تمام ججوں نے کامیاب قرار دیا ۔ دو ججوں نے انہیں 104 کے 119 پوائنٹس دیئے جبکہ ایک جج نے 106 کے مقابلے میں 117 پوائنٹس دیئے ۔ اس سے واضح ہے کہ عامر رنگ میں کس قدر چھائے ہوئے تھے۔ عامر خان پہلے راونڈ سے ہی حاوی رہے اور تقریباً ہر دور میں انہوں نے اپنے حریف پر برتری حاصل کی۔ صرف آٹھویں راونڈ میںکولاز نے عامر کے خلاف ایک پوائنٹ زیادہ حاصل کئے۔بارہ روانلا کے اس مقابلے میں آخری راونڈ میں عامر ہر چند کے گرے تاہم انہوں نے پوائنٹس نہیں گنوائے ۔عامر کیلئے 10 واں راونڈ بہت سود مند ثابت ہوا جس میں انہوں نے تین پوائنٹس زیادہ حاصل کئے۔ مبصرین کا کہنا ہے کہ ایک سال بعد رنگ میں اترنے کے بعد بھی عامر خان میں کسی قسم کی کمی کا احساس نہیں ۔ مبصرین کا کہنا ہے کہ ایک سال بعد رنگ میں اترنے کے بعد بھی عامر خان میں کسی قسم کی کمی کا احساس نہیں ہوتا یعنی ان کے بازو ابھی شل نہیں ہوئے ہیں ان میں زنگ نہیں لگا ہے۔ اس پورے مقابلے میں تین بار ایسا محسوس ہوا تھا کہ عامر خان اپنے حریف کولاز و کو ناک آؤٹ کردیں گے۔