بیدر ۔ 24 ۔ اپریل ( سیاست ڈسٹرکٹ نیوز ) ریاست کے مختلف مقامات پر غیرموسمی بارش سے ہارٹیکلچر فصلوں کو نقصان ہوا ہے ۔ فی ہیکٹر 25 ہزار روپئے نقصان کا معاوضہ دیا جائیگا ۔ یہ بات وزیر ہارٹیکلچر شامنورشیوشنکر پانے بتائی ۔ انہوں نے بتایا کہ فصلوں کو ہوئے نقصان کے تعلق سے مکمل رپورٹ پیش کرنے محکمہ کے عہدیداروں کو ہدایت دی گئی ۔ اسی دوران ریاستی حکومت نے فیصلہ کیا ہیکہ غیرموسمی بارش سے ہوئے نقصانات کا معاوضہ مقرر کرنے جلد ہی فیصلہ کیا جائیگا ۔ مرکزی حکومت سے 900 کروڑ روپئے جاری کرنے کا مطالبہ کرتے ہوئے یادداشت پیش کی گئی ہے لیکن مرکز سے اب تک کوئی رقم موصول نہیں ہوئی ۔
