ومبلڈن۔ 23؍جون (سیاست ڈاٹ کام)۔ سیزن کے تیسرے گرانڈ سلام میں زخموں سے صحت یابی کے بعد وکٹوریہ ایزرنکا نے پہلے مقابلہ میں لوسک بارونی کو 6-3، 7-5 سے شکست دی، تاہم سابق یوایس اوپن چمپئن سمنتا اسٹوسر کو بلجیم کی یانینا وکمیئر کے خلاف پہلے ہی راؤنڈ میں راست سیٹوں میں 6-3، 6-4 کی شکست برداشت کرنی پڑی جوکہ ٹورنمنٹ کا ایک حیران کن نتیجہ ہے۔ مرد زمرے کے مقابلہ میں ٹامس برڈک کو اپنے حریف ہنسکو کو شکست دینے کے لئے 6-7(5)، 6-1، 6-4، 6-3 پر مشتمل ایک سخت مقابلہ کھیلنا پڑا۔ دریں اثناء اسپینی ٹینس اسٹار فرنانڈو ورڈاسکو کو سوٹا سیوسک کے خلاف چار سیٹوں پر مشتمل مقابلہ میں 4-6، 6-4، 4-6، 2-6 کی شکست برداشت کرنی پڑی ہے۔
