شمس آباد ۔ 21 ۔ جون : ( سیاست نیوز ) : شمس آباد میں واقع راجیو گاندھی انٹرنیشنل ایرپورٹ کے کسٹمس عہدیداروں نے ایک مسافر کو گرفتار کرتے ہوئے ان کے قبضہ سے آدھا کیلو سونا ضبط کرلیا ۔ تفصیلات کے بموجب محمد عبدالوہاب 20 جون کی رات دبئی سے فلائیٹ نمبر TR-2624 کے ذریعہ راجیو گاندھی انٹرنیشنل ایرپورٹ شمس آباد پہنچے جن کی تلاشی لینے پر لگیج سے آدھا کیلو سونا برآمد ہوا جس کی مالیت 14 لاکھ روپئے ہے جسے کسٹمس عہدیداروں نے ضبط کرلیا ۔ محمد عبدالوہاب کو حراست میں لیتے ہوئے مزید تحقیقات کررہے ہیں ۔۔
