ابو ظہبی ۔29 جنوری (سیاست ڈاٹ کام ) جاپان نے ایران کو شکست دے کر ایشیا کپ فٹبال کے فائنل میں رسائی حاصل کرلی۔ابو ظہبی کے شہر العین میں دونوں ٹیموں کے درمیان سیمی فائنل میں آمنا سامنا ہوا، دونوں ٹیموں نے ایک دوسرے پر سبقت پانے کے لیے کئی کوششیں کیں، پہلے ہاف میں کوئی بھی ٹیم گیندکوگول پوسٹ کا راستہ نہ دکھا سکی۔ دوسرے ہاف کے 56 ویں منٹ میں یویا اوساکو نے جاپان کے لئے پہلاگول کردیا۔67 ویں منٹ میں اوساکو نے ایک اورگول کرکے سبقت دوگنا کردی، انجری ٹائم میں ہراگوچی نے گول کرکے جاپان کو 3-0 سے فتح دلادی۔ سیمی فائنل میں ناکامی کے بعد ایرانی ٹیم کے کوچ کارلوس نے مستعفی ہونے کا اعلان کیا۔
