ایڈیلیڈ 12 ڈسمبر (سیاست ڈاٹ کام ) شان ایبٹ جن کے باونسر سے فلپ ہیوز کی موت واقع ہوئی انہوں نے کرکٹ میدانوں میں شاندار واپسی کی ہے ۔ 22 سالہ ایبٹ جب میدان پر پہنچے تو تمام کھلاڑیوں نے ان کی حوصلہ افزائی کی اور انہوں نے ہیوز کی موت کے صدمہ سے باہر نکلتے ہوئے پہلے مقابلے میں کوئنس لینڈ کوشکست دینے میں اپنی ٹیم نیو ساوتھ ویلس کی بہترین بولنگ کے ساتھ مدد کی ہے۔مذکورہ مقابلہ جس وقت ڈرا کی سمت گامزن تھا اس موقع پر ایبٹ نے غیر معمولی مظاہرہ کرتے ہوئے 14 رنز کے عوض 6 وکٹیں حاصل کی اور حریف ٹیم کو 99 رنز پر ڈھیر کردیا۔ ایبٹ نے پہلے اننگز میں بھی دو وکٹیں لی ہیں ۔ ایبٹ کے اس شاندار مظاہرہ پر ان کی ستائش کی جارہی ہے جن میں ڈیوڈ وارنر بھی شامل ہیں جنہو ںنے آج ریکارڈ اننگز کھیلی۔
