سڈنی۔ 27جنوری۔(سیاست ڈاٹ کام) ہندوستانی کپتان مہندرا سنگھ دھونی نے آئی پی ایل اسکینڈل کے حوالے سے کہا کہ میرا نام مختلف معاملات میں بدستور اچھالا جائے گا، ایک ایشو ختم ہوا تو دوسرا جلد ہی شروع ہو جائے گا، ایسی چیزوں کا میں عادی ہو چکا ہوں۔ اس اسکینڈل میں دھونی کا نام بھی لیا جا رہا ہے، وہ چنئی سوپر کنگس کے کپتان ہیں جس کے اہم عہدیدار گروناتھن میاپن پر جوئے کا الزام سچ ثابت ہوچکا ہے۔ یہ رپورٹس بھی ہیںکہ کرپشن اور دیگر بے ضابطگیوں میں ملوث جن 13 افراد کے نام سیل بند لفافے میں مدگال کمیٹی نے سپریم کورٹ کو دیے تھے ان میں دھونی بھی شامل ہیں۔
