لندن۔10جون(سیاست ڈاٹ کام) انگلش ٹیم کے سابق بیٹسمین کیون پیٹرسن نے کہا ہے کہ انگلش کرکٹ کی سمت درست نہیں۔کیون پیٹرسن نے انگلش کرکٹ کی سمت پر سوال اٹھایا ہے اور انھوں نے خبردار کیاکہ ونڈے کرکٹ پر بہت زیادہ توجہ ان شائقین کو کھیل سے دور کردے گی جوٹسٹ میں دلچسپی رکھتے ہیں۔گزشتہ 2 برس کے دوران انگلش ٹیم کی سفید گیند کے ساتھ کرکٹ میں کافی بہتری آئی لیکن اسی دوران ٹسٹ میں کارکردگی خراب ہوئی ہے۔پیٹرسن نے کہاکہ میں نہیں جانتا ہوں کہ انگلینڈ کس طرف جانا چاہتا ہے، ہم آئی سی سی ورلڈ ٹوئنٹی20 جیت چکے، ہوم اینڈ اوے ایشز میں فتح ملی، ہندوستان کو کچھ عرصے قبل اس کے ملک میں شکست دی، لوگ بہت زیادہ ٹسٹ کی فکر کرتے ہیں اور اب اس پر توجہ نہیں دی جا رہی ہے۔
