حیدرآباد /6 نومبر ( سیاست نیوز ) الوال اور راجندر نگر پولیس حدود میں پیش آئے سڑک حادثات میں دو افراد فوت ہوگئے ۔ الوال پولیس کے مطابق 30 سالہ شخص ایلش جو پیشہ سے خانگی ملازم تھا ۔ یہ شخص موٹر سائیکل پر الوال علاقہ سے گذر رہا تھا کہ ایک تیز رفتار ٹاٹا گاڑی کی زد میں آکر برسر موقع ہلاک ہوگیا ۔ راجندر نگر پولیس کے مطابق 19 سالہ نکھیل جو دودھ باؤلی علاقہ کے ساکن رمیش کا بیٹا تھا ۔ نکھیل ڈگری سال دوم کا طالب علم بتایا گیا ہے ۔ گذشتہ ہفتہ راجندر نگر کے علاقہ میں پیش آئے سڑک حادثہ میں یہ طالب علم شدید زخمی ہوگیا تھا جو علاج کے دوران کل رات فوت ہوگیا ۔ پولیس نے مقدمات درج کرلئے ہیں اور مصروف تحقیقات ہے ۔
