ریاض۔9 مئی (سیاست ڈاٹ کام) امسال رمضان المباک کے بعد 16 شوال سے مملکت کی منفرد الرحمین ایکسپریس ٹرین تجارتی طو رپر اپنا سفر شروع کردے گی۔ اس امر کا اعلان سعودی عرب کے وزیر مواصلات ڈاکٹر نبیل العامودی نے ایک بیان میں کیا ہے۔ انہوں نے واضح کیا کہ حرمین ایکسپریس ٹرین کو تجارتی بنیادوں پر چلانے کا پروگرام آگے بڑھادیا گیا۔ ڈاکٹر العامودی نے توجہ دلائی کہ تدریجی طور پر یہ کان جام دینے کے بعد حرمین ٹرین پوری قوت سے چلنے لگے گی۔ جدہ ایرپورٹ سے متعلق ایک سوال کے جواب میں العامودی نے بتایا کہ ہوائی اڈوں کو جدید خطوط پر استوار کیا جائے اور نئے ہوائی اڈے بھی تعمیر کیے جائیں۔ جدہ کا نیا شاہ عبدالعزیز ایرپورٹ اسی مہینے کام شروع کردے گا۔ یہاں سے بین الاقوامی پروازیں ستمبر سے شروع ہوں گی۔
