پل عالم، 18 نومبر (سیاست ڈاٹ کام ) افغانستان کے مشرقی صوبہ لوگار میں براکي براک کے ایگزیکٹو ڈسٹرکٹ آفیسر سمیت دو افسران کی ایک بم دھماکے میں موت ہو گئی ہے ۔ ان حکام کی گاڑی زیر زمین نصب کئے گئے دھماکہ خیز مواد کی زد میں آ گئی تھی۔ پولس کے ترجمان نے شاہ پور صوبہ میں ژنہوا کو اتوار کے روز بتایا کہ ” ضلع براکي براک کے ایگزیکٹو ڈسٹرکٹ آفیسر عین الدین اور ضلع کے خفیہ محکمہ کے سربراہ عزیز الرحمن ہفتہ کی دوپہر کو صوبائی دارالحکومت پل عالم جا رہے تھے تبھی ان کی گاڑی جنگجوؤں کی طرف سے زیر زمین نصب کئے گئے دھماکہ خیز مواد کی زد میں آ گیا اور اس واقعہ میں دونوں افسران کی جائے حادثہ پر ہی موت ہو گئی۔ حکام نے اس واقعہ کے لئے طالبان کو ذمہ دار ٹھہرایا ہے ۔ طالبان جنگجو براکي براک ضلع سمیت صوبہ لوگار کے کچھ حصوں میں سرگرم ہیں اور بڑے پیمانے پر سڑک کے کنارے اور خودکش بم دھماکے کرتے رہے ہیں۔ تاہم، طالبان نے ابھی تک اس بم دھماکے کی ذمہ داری نہیں لی ہے ۔
