حیدرآباد /9 مئی ( سیاست نیوز ) افضل گنج علاقہ میں ایک شخص کی مشتبہ موت کا واقعہ پیش آیا ۔ افضل گنج پولیس نے ایک اطلاع پر 47 سالہ نوین کی نعش کو برآمد کرلیا ہے جو گولی گوڑہ مزدور اڈے کے قریب پائی گئی ۔ اس کے جسم پر زخموں کے نشانات اور قریب میں ایک خون آلود پتھر بھی دستیاب ہوا ۔ پولیس ذرائع کے مطابق نوین گذشتہ چند روز سے بیمار تھا اور ہاسپٹل میں زیر علاج تھا اور ہاسپٹل سے گھر آنے کے بعد صحت میں بہتری کے بعد وہ گھر سے باہر گیا تھا ۔ پولیس افضل گنج نے مقدمہ درج کرلیا ہے اور مصروف تحقیقات ہے ۔
