سڈنی ۔8 مارچ (سیاست ڈاٹ کام) پاکستان کے خلاف ونڈے سیریز کے لیے 15 رکنی آسٹریلیائی ٹیم کا اعلان کردیا گیا۔ پاکستان اورآسٹریلیا کے درمیان 5 میچز پر مشتمل ونڈے سیریز 22 مارچ کو متحدہ عرب امارات میں شروع ہورہی ہے جس کے لیے آسٹریلیا نے آرون فنچ کی قیادت میں ٹیم کا اعلان کیا۔ ہندوستان کے خلاف کھیلنے والی 15 رکنی آسٹریلیائی اسکواڈ میں کوئی تبدیلی نہیں کی گئی، فنچ کپتان، الیکس کیرے اور پیٹ کمنز مشترکہ طور پر نائب کپتان ہوں گے۔ ٹیم میں عثمان خواجہ، شان مارش، پیٹر ہینڈسکومب،گلین میکسویل،کین رچرڈسن، جیسن بہرنڈوف، نیتھن لیون اور ایڈم زمپا شامل ہیں۔ امکان ظاہرکیا جارہا تھا کہ بال ٹیمپرنگ میں ایک سال کی سزا پانے والے سابق کپتان اسٹیو اسمتھ اور نائب کپتان ڈیوڈ وارنرکو پاکستان کے خلاف سیریز میں شامل کیا جائے گا تاہم سلیکٹرز نے دونوں کھلاڑیوں پر اعتماد نہ کرتے ہوئے انہیں شامل نہیںکیا۔
