رملہ۔ 26 جون (سیاست ڈاٹ کام) فلسطین نے اسرائیل کے جنگی جرائم کے ثبوتوں کی پہلی فہرست بین الاقوامی فوجداری عدالت میں جمع کرادی ہے، جبکہ امریکہ نے کہا ہے کہ وہ اسرائیل کے خلاف ایسے کسی بھی اقدام کی مخالفت کرے گا۔ بین الاقوامی فوجداری عدالت میں اجلاس کے بعد گفتگو کرتے ہوئے فلسطین کے وزیر خارجہ ریاض المالکی نے کہا کہ انہوں نے فوجداری عدالت کو غزہ میں اسرائیلی بازآباد کاری، فلسطینی سرزمین پر اسرائیل کے قبضے اور اسرائیل کی قید میں فلسطینی قیدیوں کی تفصیلات فراہم کردی ہیں۔ ادھر اقوام متحدہ نے فریقین سے اپیل کی ہے کہ وہ بین الاقوامی فواجداری عدالت سے تعاون کریں۔ دوسری طرف قومی سلامتی کونسل کے ترجمان ایلسٹیئر باسکے کا کہنا ہے کہ امریکہ اسرائیل پر جنگی جرائم کے الزامات کی مخالفت کرے گا۔
