کریم نگر ۔ 13 ۔ نومبر ( فیاکس) معتمد ادارہ محمد نصیرالدین نصیر کی اطلاع کے بموجب ادارہ ادب اسلامی کریم نگر کا ماہانہ طرحی و غیرطرحی مشاعرہ 14 نومبر بروز جمعہ بوقت 9.15 بجے شب بمقام دفتر جماعت اسلامی مکرم پورہ کریم نگر پر منعقد ہوگا ۔ مشاعرہ کی صدارت جناب محمد غیاث الدین موظف رجسٹرار کریم نگر کریں گے ۔ جناب محمد مصطفی علی انصاری معتمد عمومی مسلم سینئر سٹیزنس کریم نگر مہمان خصوصی ہوں گے ۔ صدر ادارہ بشیرالدین حیدر ، اشفاق علی وارثی قائد آئی وائی ایم (IYM) ، سید سرور شاہ بیابانی سکریٹری سوٹا نے تمام بہی خواہاں اردو سے بپابندی وقت زیادہ سے زیادہ تعداد میں شرکت کر کے مشاعرہ کو کامیاب بنانے کی اپیل کی ہے ۔
