ہنمکنڈہ ۔ 12 ۔ مارچ ( سیاست ڈسٹرکٹ نیوز ) بزم ابوالخیرات ہنمکنڈہ ورنگل کی جانب سے 139 واں ماہانہ محفل نعت 13 مارچ 20 جمادی الاول بروز جمعہ بعد نماز عشاء بمقام مدرسہ مخدومیہ نزد مسجد گڑھی ہنمکنڈہ میں مقرر ہے ۔ محفل کی نگرانی محترم محمد معشوق شاہ قدیری خلیفہ ہلکٹہ شریف کریں گے ۔ مہمانان خصوصی جناب شیخ عمر افتخاری ، جناب تاج مضطر صدر بزم محمدی ورنگل ، جناب بشیر احمد عاصم ، جناب صادق احمد صادق ہونگے ۔ محفل کا آغاز جناب عبدالقادر انصاری کی تلاوت کلام پاک سے ہوگا ۔ حمد باری تعالی حامد حسین پیش کرینگے ۔ حیدرآباد کے مشہور نعت خواں محمد فاروق قادری کو مدعو کیا گیا ہے ۔ اس کے علاوہ مقامی شعرائے کرام و نعت خواں حضرت بارگاہ رسالت مآب ﷺ میں نذرانہ عقیدت پیش کریں گے ۔
