دبئی۔30اگسٹ(سیاست ڈاٹ کام ) ایشین کرکٹ کونسل نے ہندوستان اور پاکستان کے درمیان کھیلے جانے والے میچ کی مزید ٹکٹیں فروخت کرنے کا فیصلہ کیا ہے۔ ٹورنمنٹ ونڈے فارمیٹ کے تحت ہوگا۔ اس سے قبل ٹورنمنٹ ٹی20 فارمیٹ پر ہوا تھا۔ متحدہ عرب امارات میں ہونے والے ایشیا کپ 2018 میں پاکستان کے خلاف ہندوستان کا میچ 19 ستمبر کو دبئی میں مقرر ہے جس کی ویب سائٹ پر دستیاب ٹکٹیں چند گھنٹوں میں ہی فروخت ہوگئیں۔ ٹورنمنٹ میں ہندوستان ،پاکستان، سری لنکا، بنگلہ دیش، افغانستان اورکوالیفائر ٹورنمنٹ کی فاتح ٹیم حصہ لے گی۔ دبئی اور ابوظہبی میں فائنل سمیت 13 میچ ہوں گے۔ یہ تیسرا موقع ہے جب امارات میں ایشیا کپ ہورہا ہے۔ شائقین کرکٹ کی جانب سے دلچسپی دیکھتے ہوئے ایشین کرکٹ کونسل نے مزید ٹکٹیں آن لائن فروخت کرنے کا فیصلہ کیا ہے۔ ایونٹ کے ٹکٹوں کی قیمتیں پہلے کی طرح 20 سے 720 درہم کے درمیان ہوں گی۔ یاد رہے کہ ایشیاکرکٹ کپ 15 ستمبر کو شروع ہورہا ہے اور ایونٹ کے تمام میچز ڈے اینڈ نائٹ ہوں گے۔
