حیدرآباد۔ 15 فروری (سیاست نیوز) ورلڈ کپ کرکٹ ٹورنمنٹ کے آغاز کیساتھ ہی ہند۔ پاک کے میچ نے دونوں ممالک کے عوام میں جہاں جوش و خروش پیدا کردیا ، وہیں آج اتوار کے ہونے والے اس دلچسپ میچ کی وجہ دونوں شہر حیدرآباد کی تقریباً سب ہی سڑکیں سنسان تھیں۔ ٹریفک بہت کم دیکھی گئی۔ عوام صبح 9 بجے سے شروع ہونے والے اس میچ کیلئے صبح ہی سے تیاریاں کئے۔ آج دن بھر ہند ۔ پاک میچ کے مشاہدہ کے پروگرام بناچکے تھے اور اپنے آپ کو گھر میں اور ٹیلی ویژن کے سامنے قید رکھا تھا۔ صبح 9 بجے سے میچ کے ختم ہونے تک عوام گھروں سے باہر نہیں نکلے۔
