ہندی اور ساوتھ سنیما کی مشہور اداکارہ سری دیوی نہیں رہی

by

ممبئی۔فیملی ذرائع سے ملی اطلاع کے مطابق اداکارہ سری دیوی فوت ہوگئی۔وہ 54سال کی تھی۔مذکورہ دبئی میں ایک فیملی تقریب میں شرکت کے لئے گئی تھی جہاں پر قلب پر حملے کے سبب ان کی موت واقع ہوئی۔ سری دیوی کے دیوار سنجے کپور نے ائی اے این ایس سے بات کرتے ہوئے سری دیوی کی موت کی توثیق کی ہے۔

انہو ں نے کہاکہ’’ ہاں سری دیوی اب نہیں رہی‘ تاہم سنجے کپور نے موت کے متعلق تفصیلات نہیں بتائی۔سری دیوی اداکارہ سونم کپور کے رشتہ کے بھائی موہت ماروا کی شادی میں شرکت کے لئے اپنے شوہر بونی کپور اور چھوٹی بیٹی خوشی کپور کے ہمراہ دبئی گئی ہوئی تھیں۔

سری دیوی اپنی شاندار اداکاری کے سبب فلم ناگن‘ صدمہ‘ چالباز‘ چاندنی کے بشمول دیگر ہٹ فلموں میں اپنا اداکاری کی چھاپ چھوڑی ہیں۔ سال2017میں انہیں پدما شری ایوارڈ سے بھی نوازا گیاتھا۔

https://www.youtube.com/watch?v=ptwita9zf9s

ان کی موت کی خبر نے انڈسٹری کو صدمہ میں ڈال دیا۔کچھ بالی ووڈ اداکاروں کے یہاں پر ٹوئٹ بھی پیش کئے جارہے ہیں جنھوں نے موت کی اطلاع پر اپنے غم کا اظہار کیا۔

نمرت کور‘ سشمتا سین‘رشی کپور‘ امتیابھ بچن‘ مدھو بھنڈارکر‘پرینکا چوپڑا‘ جونیر این ٹی آر‘ او رانڈسٹری کے دیگر بڑی ہستیوں نے اس خبر پر دکھ کا اظہار کیا۔ سری دیوی چار سال کی عمر سے ہندوستانی سنیما انڈسٹری کا حصہ تھیں۔

ہندی سنیما کے تمام بڑی اور نامور اداکاروں کے ساتھ انہوں نے اپنی اداکاری کے جوہر دکھائے تھے۔

بالی ووڈ انڈسٹری میں سری دیوی کی حصہ داری کو کبھی فراموش نہیں کیاجاسکے گا۔