نئی دہلی ۔6 مئی (سیاست ڈاٹ کام ) آئی پی ایل 2019 میں لیگ میچوں کا مرحلہ ختم ہوچکا ہے۔ منگل سے ٹورنمنٹ کے پلے آف مقابلوں کا سلسلہ شروع ہوجائے گا۔ چینائی سوپرکنگس ، ممبئی انڈینس ، دہلی کیپٹلس اور سن رائزرس حیدرآباد کی ٹیمیں پلے آف میں پہنچ چکی ہیں۔ دوکوالیفائر اور ایک ایلمنیٹر مقابلوں کے بعد 12 مئی کو حیدرآباد میں فائنل مقابلہ کھیلا جائے گا۔ ان چار مقابلوں کے بعد ان ٹیموں میں موجود ہندوستانی کھلاڑی قومی خدمات پر لوٹ آئیں گے۔ آئی پی ایل کے بعد ورلڈ کپ کی تیاریاں شروع ہوجائیں گی۔ انگلینڈ میں 30 مئی کو کرکٹ کا میگا ایونٹ شروع ہوگا۔ ہندوستان نے 15 اپریل کو ہی 15 رکنی ٹیم کا اعلان کردیا ہے۔ ویراٹ کوہلی کی قیادت میں ہندوستانی ٹیم 5 جون کو اپنی مہم کی شروعات جنوبی افریقہ کے خلاف کرے گی۔ لیگ مقابلوں سے پہلے ہندوستان بنگلہ دیش اور نیوزی لینڈ کے خلاف وارم اپ میچ بھی کھیلے گا۔ ٹورنمنٹ کا فائنل میچ 14 جولائی کو لندن کے لارڈس میں کھیلا جائے گا۔ ہندوستانی ٹیم کا ورلڈ کپ شیڈول اس طرح ہے۔
وارم اپ میچ
مئی 25 : ہندوستان بمقابلہ نیوزی لینڈ۔ دوپہر تین بجے۔ لندن
مئی 28 : بنگلہ دیش بمقابلہ ہندوستان۔ دوپہر تین بجے۔ کارڈف
لیگ میچ
جون 5 : ہندوستان بمقابلہ جنوبی افریقہ۔ دوپہر تین بجے۔ ساوتھمپٹن
جون 9 : ہندوستان بمقابلہ آسٹریلیا۔ دو پہر تین بجے۔ لندن
جون 13 : ہندوستان بمقابلہ نیوزی لینڈ۔ دوپہر تین بجے۔ نوٹنگھم
جون 16 : ہندوستان بمقابلہ پاکستان۔ دوپہر تین بجے۔ مانچسٹر
جون 22 : ہندوستان بمقابلہ افغانستان۔ دوپہر تین بجے۔ ساوتھمپٹن
جون 27 : ہندوستان بمقابلہ ویسٹ انڈیز۔ دوپہر تین بجے۔ مانچسٹر
جون 30 : ہندوستان بمقابلہ انگلینڈ۔ دوپہر تین بجے۔ برمنگھم
جولائی 2 : ہندوستان بمقابلہ بنگلہ دیش۔ دوپہر تین بجے۔ برمنگھم
جولائی 6 : ہندوستان بمقابلہ سری لنکا۔ دوپہر تین بجے۔ لیڈس
