ایڈیلیڈ۔ 9 ڈسمبر (سیاست ڈاٹ کام) ہندوستان کے نئے لیگ اسپنر چرن شرما نے ہندوستانی ٹیم مینجمنٹ بالخصوص کپتان ویراٹ کوہلی اور ٹیم ڈائرکٹر روی شاستری کی ستائش کی ہے اور کہا کہ آسٹریلیا کے خلاف آج یہاں پہلے ٹسٹ میچ کے آغاز سے قبل انہوں نے ان کی کافی حوصلہ افزائی کی تھی۔ شرما نے ’’مجھے آج صبح ہی پتہ چلا تھا کہ میں آج سے اپنا کیریئر شروع کررہا ہوں اور پہلا میچ کھیلوں گا‘‘۔ انہوں نے مزید کہا کہ ’’مجھے یقین تھا کہ جلد یا دیر سے ایک موقع ضرور ملے گا لیکن پہلے ہی میچ میں موقع مل جانا میرے لئے بہت اچھا رہا۔ روی شاستری نے ذہنی اور تکنیکی سطح پر کافی حوصلہ افزائی کی ہے، کوچس اور اسٹاف نے بھی میری مدد کی‘‘۔
