کولمبو 15 اگست (سیاست ڈاٹ کام ) کولمبو ٹسٹ کے دوسرے روز سری لنکا کی ٹیم اپنی پہلی اننگز میں 320 رنز بناکر آوٹ ہوگئی ۔ اپل تھرانگا 92 رنز بناکر نمایاں رہے ۔ جنید خان نے 5 وکٹیں حاصل کیں ۔ وہاب ریاض نے 3 ،سعید اجمل اور عبدالرحمن نے ایک ایک کھلاڑی کو آوٹ کیا ۔ میزبان ٹیم نے آج 261 رنز 8کھلاڑی آوٹ پر اپنی نا مکمل اننگز کا آغاز کیا اور مجموعی اسکور میں 59 رنز کے اضافہ کے بعد پوری ٹیم 320 رنز بناکر آوٹ ہوگئی ۔ پاکستان کی طرف سے جنید خان نے 5 وکٹیں حاصل کیں جبکہ وہاب ریاض نے 3 ،سعید اجمل اور عبدالرحمن نے ایک ایک کھلاڑی کو آوٹ کیا ۔ گال ٹسٹ میں شکست کا زخم سہنے والی پاکستانی ٹیم کو لیفٹ آرم فاسٹ بولروں جنید خان
اور وہاب ریاض نے مضبوط پوزیشن میںپہنچادیا ہے ۔ بائیں ہاتھ کے پیسرز نے کمال دکھاتے ہوئے نا قابل تسخیر سری لنکن قلعے میں دراڑیں ڈال دیں ۔ بے جان وکٹ پر فاسٹ بولروں نے اپنی جارحانہ بولنگ سے رنز بھی کم دیئے اور بیٹسمینوں کو مسلسل دباو میں رکھا ۔ صف اول کے بیٹسمین وہاب ریاض کے باونسرز اور جنید کی نپی تلی بولنگ کے سامنے حواس باختہ ہوگے ۔ تھرنگا نے ذمہ دارانہ اننگز کھیلی ۔ بیٹنگ کے لئے ساز گار وکٹ پر بولروں نے کام کر دکھایا ۔ اب بیٹنگ لائن کو پہلے ٹسٹ کی ناکامی کا ازالہ کرتے ہوئے آمائش پر پورا اترنا ہوگا بیٹسمینوں سعید اجمل نے الوداعی ٹسٹ کھیلنے بیٹنگ لائن کو پہلے ٹسٹ کی ناکامی کا ازالہ کرتے ہوئے آزمائش پر پورا اترنا ہوگا ۔ بیٹسمینوں سعید اجمل نے الوداعی ٹسٹ کھیلنے والے مہیلا جے وردھنے کو آوٹ کیا جبکہ لیفٹ آرم اسپینر عبدالرحمن نے ایک بار پھر مایوس کیا ۔ پہلے دن کھیل کے اختتام پر سری لنکا نے 8 وکٹ پر 261 رنز بنائے تھے ۔