دھمتری، 13 نومبر (سیاست ڈاٹ کام) چھتیس گڑھ اسمبلی انتخابات میں ضلع دھمتری میں ’پیڈ نیوز‘کے معاملے میں دو امیدواروں کو نوٹس جاری کر کے جواب دینے کو کہا گیا ہے ۔سرکاری اطلاعات کے مطابق ’پیڈ نیوز‘سے متعلق ضلع کے دو الگ الگ معاملوں میں کلکٹر ، ضلع الیکٹورل آفیسر اور صدر میڈیا سرٹیفیکیشن کمیٹی ( ایم سی ایم سی) ڈاکٹر سی آر پرسنا نے ضلع کے دو امیدواروں کو نوٹس جاری کر کے جواب دینے کو کہا ہے ۔ ضلع کی سطح پر قائم کمیٹی نے کل ایک مقامی چینل پر نشر ہونے والے مبینہ اشتہار کا از خود نوٹس لیتے ہوئے اسے ممکنہ ‘پیڈ نیوز’ قرار دیا اور اس سلسلے میں اسمبلی حلقہ سھاوا -56 کی کانگریس امیدوار ڈ اکٹر لکشمي دھرو اور اسمبلی حلقہ دھمتري -58 کے کانگریس امیدوار گرومکھ سنگھ ہورا کو اشتہار کی ویڈیو فوٹیج مقامی نیوز چینل میں بغیر اجازت کے نشر کرنے کے سلسلے میں نوٹس جاری کرکے کمیٹی کے سامنے جواب دینے کو کہا ہے ۔
