یلاریڈی۔6فبروری( سیاست ڈسٹرکٹ نیوز) منڈل تاڑوائی مستقر پر شدید پینے کے پانی کیلئے عوام کو دشواری ہورہی ہے ۔ عوام نے مقامی منڈل پریشد آفس کا رُخ کر کے کچھ ماہ سے بی سی کالونی میں پینے کے پانی کی شدید قلت ہونے کی شکایت عہدیداروں اور عوامی نمائندوں سے کی ۔ کئی مرتبہ اس طرف توجہ مبذول کروانے کے بعد بھی کوئی اس مسئلہ کوحل نہ کرنے پر برہمی کا اظہار کیا ۔ پینے کے پانی کیلئے عوام کو ہینڈ بورویل کا سہارا لینا پڑرہا ہے ۔ اس موقع پر عوام نے ایم پی ڈی او شریمتی لکشمی کو میمورنڈم پیش کیا اور اس مسئلہ کو فوری حل کرنے کا ڈیمانڈ کیا ۔
