یلاریڈی ۔ 21 ؍ اکٹوبر ( سیاست ڈسٹرکٹ نیوز) منڈل تاڑوائی کے مختلف مواضعات کے پولنگ مراکز کی تحصیلدار مسٹر سرینواس راؤ نے تنقیح کی ۔ اس موقع پر انہوں نے مزید بتایا کہ تمام پولنگ مراکز رائے دہندوں کے لئے بنیادی سہولتوں سے آراستہ ہونا چاہئے ۔ پینے کا پانی ‘ بیت الخلاء ‘ برقی ‘ کمرے ہونا ضروری ہے ۔ معذور رائے دہندوں کے لئے جہاں ریامپ نہ ہوں وہاں ریامپ تعمیر کروانا چاہئے ۔ انہوں نے منڈل کے برہنماپل کالوجی وارڑہ ‘ سنگھ جی واڑہ ‘ چندرپور ‘دیمی کلاں ‘ کرڈپلی ‘ کتکل ‘ ایرہ پہاڑ ‘ نندواڑہ ‘ اینڈریل مواضعات کے پولنگ مراکز کا معائنہ کیا ۔ اس موقع پر ان کے ہمراہ سینئر اسسٹنٹ سریندر ریڈی ‘ وی آر او راملو ‘ جگدیشور ‘ جناردھن ‘ رمیش ‘ وناجا اور وی آر او موجود تھے ۔
