مکہ راج پیٹ۔/25فبروری، ( سیاست ڈسٹرکٹ نیوز) توپران منڈل کے موضع یاوا پور میں اراضی منتقلی کے ضمن میں وی آر او کو کسان سے رشوت لیتے ہوئے رنگے ہاتھوں متعلقہ اعلیٰ افسران نے گرفتار کرکے ریمانڈ پر بھیج دیا ہے۔ تفصیلات کے بموجب موضع یاوا پور کا متوطن نرسملو نے ایک سال قبل اراضی خریدی تھی جس کے بعد اس اراضی کو اپنے نام منتقل کرنے کیلئے وی آر او سے مطالبہ کررہا تھا۔ وی آر او دیویا نے آٹھ ہزار روپئے رشوت کا مطالبہ کیا جس کے بعد مالک اراضی نے چار ہزار روپئے وی آر او کو دے دیا تھا۔ مزید چار ہزار روپئے کیلئے وی آر او دیویا نے کارروائی روک کر تقریباً ایک سال سے نرسملو وی آر او کے چکر کاٹ کررہا تھا۔ بعد ازاں تنگ آکر اعلیٰ عہدیداروں کو نرسملو نے وی آر او کے خلاف شکایت کی جس کے بعد محکمہ ( اے سی بی ) کے ڈی ایس پی ستیا نارائنا کے منظم پلان کے ساتھ اپنے عملے کے ہمراہ نرسملو سے وی آراو دیویا کو چار ہزار روپئے رشوت لیتے ہوئے گرفتار کرلیا اور رنگے ہاتھوں پکڑ لیا۔ بعد تفتیش ملزم وی آر او کو ریمانڈ پر بھیج دیا گیا۔
