لندن۔8 ستمبر (سیاست ڈاٹ کام) اسٹار فٹبالر نیمرکو برازیل کی ٹیم کا مستقل کپتان مقرر کیا گیا ہے۔ برازیلی ہیڈ کوچ ٹیٹے نے یہ فیصلہ کرتے ہوئے ملکی فیڈریشن کی کپتان میں روٹیشن کی پالیسی ختم کردی ہے۔ اس متعلق26 سالہ نیمر نے کہا کہ ذمہ داری میرے اور ٹیم کیلئے اچھی ثابت ہوگی۔ مجھے بہت کچھ سیکھنے کا موقع ملے گا۔ میں نے کپتانی دوبارہ اس لیے قبول کی کیونکہ میں نے بہت کچھ سیکھا ہے۔ یاد رہے کہ نیمر نے 2018 فیفا ورلڈ کپ میں ٹیم کی قیادت کی تھی اس دوران میدان میں ان کے رویے کو تنقید کا نشانہ بنایا گیا تھا۔
